Энэхүү телевизийн хөтөлбөр нь сүүлийн 4 жил Mонголын залуучуудын англи хэлний мэдлэгийг сонирхолтой, хөгжөөнтэй аргаар дээшлүүлэхэд  туслах зорилготой  хэрэгжиж байгаа хөтөлбөр юм. Ням гариг бүрийн орой 17.15 цагаас Монголын Үндсэний Олон Нийтийн телевизээр орон даяар цацагддаг. МҮOHТ-ийн Хүүхдийн нэвтрүүлгийн албатай хамтран “ХААН” банкны дэмжлэгтэйгээр нэвтрүүлгээ бэлтгэдэг. Бид дугаар бүртээ залуучуудын сонирхолд нийцүүлсэн сонирхолтой сэдвээр бэлтгэхийг хичээдэг.                 Жишээ нь: хөгжлийн бэрхшээлтэй хүүхдүүдэд зориулсан хөтөлбөр, мөн Mонгол орны түүх соёл, урлаг уламжлал зэргийг таниулах гэх мэт.

Сүүлийн 4-н улирлын дугаарыг “Австралын хөгжлийн залуу элчин сайдууд” хэмээх  сайн дурын байгууллагаас ирсэн сайн дурын ажилтан  Жюллиан Дугган удирдан бэлтгэж байгаа. Тэрбээр өөрийн орондоо телевизийн нэвтрүүлэг бэлтгэн продюсерлаж байсан ажлын туршлагатай авьяаслаг залуу юм. Түүнтэй хамт Шотландаас ирсэн сайн дурын ажилтан Андрю Давидсон ажилладаг. Тэрээр арын алба болон англи хэлийг заах аргын тал дээр түлхүү ажилладаг. Мөн  “Voicebox” телевизийн хөтөлбөрийг бэлтгэхэд, Т.Цэвээнгэрэл - ХИС-ын ОУСэтгүүлийн ангийн оюутан, хөтлөгч Э.Уранчимэг – МУИС-ын оюутан нар туслан хамтран ажилладаг.                                                                 Бидний бэлтгэсэн нэвтрүүлэг та бүхэнд таалагдана гэдэгт итгэж байна. Дугаар бүрийг алгасалгүй үзэж байдаг бүх оюутан залуус болон бусад үзэгчиддээ баярлалаа.  Бид та бүхний дуу хоолой болно гэдэгтэй итгэлтэй байна.